笑傻走一回

话说係一九七一年十一月某日,发生一件震撼马来西亞吉隆

坡嘅大事,
事因当日乌云蓋顶、狂风暴雨、雷电交加,
突然之间天气忽然放晴,就係依个时後一个将来必定出人头地嘅'豆釘'誕生啦!
好不幸,依个'豆釘'出生于一个贫穷嘅家庭
(不过唔紧要,读过两年書嘅朋友都知道,
伟人细个通常都好穷嘅)但係五行齐全,

金(眼甘甘)
木(木独)
水(尿)
火(经常发烧)
土(屎也)

就係依个'豆釘'九岁个年,天国派佢婆婆去日本做臥底,改名'伸直对脚'。

而父母为咗提升依个'豆釘'对历史嘅兴趣,经常来个'三国演义'(该'豆釘'嘅老豆有两位夫人)
六国大封相(真係用心良苦)但係依个'豆釘'并无因為这小小打击而意志消沉,依然好活跃地到处去玩。

光阴似箭,好快嘅又已走出小学之门。係六年嘅小学生涯中,成績一直保持优良(担忧淒凉),
算术更加不得了，简直就係数一数二(数到三就唔掂嘞);
英文同马来文亦唔差，A到Z识到晒(拚起上来就唔识)更因为写得一手好字画，
惹來许多嘅闲言闲语(死仔包,又画花我度门)。

经过依六年嘅苦学时期,一个少不更事嘅黃毛小子,
一变而成为拥有美好前程嘅未來社会栋梁,昂然步进中学。


中学期間每天废寝忘食地学习各項运动，身心得以均衡发展，
愈发惹人喜愛，而且还是校中出色嘅运动员，尤其係跑馬拉松(逃学)。
更因為本身充滿正義感，所以加入红花会(黑社会)行列;
经常路见不平拨刀相助(劈友)，锄弱扶強。
因此，曾經俾校方「礼貌地」要求探訪家长六、七次。
後來，因為成績太好，跳班直上大学(社会大学)。
面對现实,笫一份工~~广告助理(打杂)。
工作刻板、壮志未筹,兩年之後黯然而去。之後係一间獅团教舞獅，为咗肩負起生活嘅重担,
不惜巴结团长以「呃钱」。半年之後,良心发现，终于痛定思痛後，迈向新嘅一天。
从事水喉业，一做就做佐十年，系依十年之間,
由於经济不景，父母相继地去经营小本生意(卖咸鸭蛋去了)
又因為对水喉嘅熱诚，精益求精之下而被赐"水神"之名号，
可惜好景不長，系经济低迷之際，水神变成为"衰神"。
系无办法之下,
再次转行......絲印广告。
由学徒做起，由于工作能夠独当一面而被放遂"柬埔寨"。
後来从"柬埔寨"发觉已經"钱不在"唯有打道回府，继续努力，非常卖命地为公司打拚,
直至公司渐入轨道之際，公司不幸耒佐几位"高级擦鞋行政人員"小弟亦因此被老细升职为"高级打杂"。

面對现实,接受朋友嘅建議，读书(Facebook)进修下，改名為"掟尿壶(Danny Wu)''，系依度发觉d书友个个气宇非凡、臥虎藏龍、高手如云.....系自愧不如之下渐渐地对自已失去自信心,
万念俱灰之下决定"留发为憎"並得"笑林主持听雨大师"收入为徒，赐法号为平凡(平时好似一旧饭)。
从此淡薄世情，只顧风花雪月，不谈凡尘俗事，只讲饮饮食食，
真系嗬里吉帝...善哉善哉